ЕРӨНХИЙ ТАНИЛЦУУЛГА, УРЬДЧИЛАН МЭДЭЭЛЭХ ҮЙЛЧИЛГЭЭ

Байгууллагын зорилго, чиглэл
Хэнтий аймгийн Ус, цаг уур, орчны шинжилгээний төв (УЦУОШТ) нь “Тодорхой, үнэ цэнэтэй мэдээллийг шуурхай түгээнэ” уриатайгаар 2025 онд техник, технологийн шинэчлэл, байгууллага хоорондын хамтын ажиллагааг өргөжүүлэх, хүний нөөцийн чадавхыг нэмэгдүүлэх зорилтуудыг хэрэгжүүлэн ажиллав.

Урьдчилан мэдээлэх салбар

• Бүрэлдэхүүн: технологич инженер 1, ээлжийн синоптик инженер 4, нисэхийн цаг уурын техникч 1.

• 1–5 хоног, 10 хоног, сар, улирлын урьдчилсан мэдээг тогтмол түгээж, цахим сайт болон сошиал сувгаар олон нийтэд хүргэлээ.

• 2025 онд фэйсбүүк хуудасны хүртээмж 173,736, нийт зочлолт 1.85 саяд хүрсэн.

Анхааруулах, сэрэмжлүүлэх мэдээлэл

• Урьдчилан сэргийлэх – 4, сэрэмжлүүлэх – 27, анхааруулах – 48 удаа.

• Аюул, агаарын мэдээ нийт 832 удаа (хүчтэй салхи, шороон шуурга, нөөлөг, цас, нойтон цас, даралтын өөрчлөлт гэх мэт).

Мэдээлэл дамжуулалт, хяналт

• 8 станц, 10 харуулын погода, климат, шуурхай мэдээг тогтмол хянаж, тасалдал, хоцрогдлыг протоколжуулан арга хэмжээ авч ажиллав.

• SMS/Web үйлчилгээ: 21 удаагийн мэдээг 110,121 давхардсан хэрэглэгчид хүргэж, 7.99 сая төгрөгийн зардал гаргав.

НИСЛЭГИЙН ЦАГ УУР, УУР АМЬСГАЛЫН БОЛОВСРУУЛАЛТ

Нислэгийн цаг уурын үйлчилгээ

• Бүрэлдэхүүн: урьдчилан мэдээлэх инженер 4, ажиглагч 1.

• Өндөрхаан нисэх буудлын шинэ зурвастай уялдуулан гэрээ, тэмдэгтийг шинэчилж, автомат станцын тоололтыг тогтмол хийв.

• 2025 онд METAR – 1459, SPECI – 25, TAF – 572, тойм TAF – 443 мэдээг шалгуурын дагуу боловсруулж, нислэгийн аюулгүй ажиллагааг хангаж ажиллав.

• Өмнөх онтой харьцуулахад нислэгийн тоо 1 дахин өсөж, чанарын үзүүлэлт 1.0–1.3%-иар сайжрав.

Цаг уур, уур амьсгалын боловсруулалт

• 8 өртөө, 10 ХАА-н харуулын мэдээнд техник болон орон зайн шүүмж шалгалт хийж ISX, RES, TAB санг бүрдүүлэв.

• AWS автомат станцуудын сүлжээг өргөтгөж, Баянмөнх, Бор-Өндөр суманд шинэ станц суурилуулав.

• Инженер, техникч нарт зориулсан нэгдсэн, төрөлжсөн, цахим сургалтыг зохион байгуулж, алдааны түвшинг бууруулсан.

Сургалт, хүний нөөц

• Улсын болон салбарын түвшний 8 гаруй сургалт, форум, хэлэлцүүлэгт инженерүүд хамрагдав.

• Анхан шатны салбарын шинэ ажилтнуудад 96 цагийн сургалт, ХААИС-ын оюутнуудад дадлага удирдав.

ХӨДӨӨ АЖ АХУЙН ЦАГ УУР, УС СУДЛАЛ

Хөдөө аж ахуйн цаг уур

• 26 бэлчээрийн талбай, 2 таримал ургамлын талбай, 81 цэгт судалгаа, ажиглалт хийв.

• Өвөлжилт, хаваржилт, зуншлага, ган-зудын үнэлгээ, тойм мэдээллийг 16 удаа аймаг, сумдын удирдлагад танилцуулав.

• Шатахуун, судалгааны зардлыг орон нутгийн гэрээгээр 100% шийдвэрлүүлэв.

Ус судлалын салбар

• 7 байнгын ус судлалын харуултайгаар ажиглалт, хэмжилтийг тасралтгүй гүйцэтгэв.

• REKI-REJIM программ ашиглан урсац, түвшний боловсруулалтыг хийж, жилийн материал бүрдүүлэв.

• Хэрлэн, Онон голд автомат түвшин, урсгал хэмжигч RQ-30 төхөөрөмж суурилуулах бэлтгэлийг хангаж, заримыг 2025 онд суурилууллаа.

Судалгаа, мониторинг

• “Хэрлэн–Говь” төсөл, аймгийн Байгаль орчны газартай хамтарсан нуур, голын мониторингийг 14 цэгт хийв.

• Усны түвшин, гүн, ижил гүний зураглалын нарийвчлал сайжирч, шинэ лазер багаж ашиглалтад орлоо.

БАГАЖ, ХЭМЖИЛЗҮЙ, ИННОВАЦ, ДҮГНЭЛТ

Багаж, хэмжилзүйн шинэчлэл

• Нийт 88.4 сая төгрөгийн хөрөнгө оруулалтаар автомат станц, камерийн хяналт, нарны нөөц эх үүсвэр, ус судлалын багажийг шинэчиллээ.

• 18 өртөө, харуулд 270° эргэдэг камер суурилуулж “Шуурхай удирдлагын төв”-ийг байгуулсан.

Засвар, баталгаажуулалт

• Автомат станц, мэдрүүр, тэжээлийн гэмтлийг тухай бүр засварлаж, хэмжих хэрэгслийн баталгаажуулалтыг хийв.

• Цахилгаан тасалдлаас үүдэх эрсдэлийг бууруулж, станцуудын найдвартай ажиллагааг хангаж ажиллав.

Цаг агаарт зориудаар нөлөөлөх үйл ажиллагаа

• “Хэрлэн-Бороо” экспедицийн хүрээнд ган, хуурайшилт, түймрийн эрсдэлийг бууруулах чиглэлээр бэлтгэл, зохион байгуулалтыг ханган ажиллав.

Ерөнхий дүгнэлт

• 2025 онд УЦУОШТ нь бүх салбарт чанар, хүртээмжийг ахиулж, урьдчилан мэдээний таарц, аюулт үзэгдлийн мэдээлэл, техник технологийн шинэчлэлд бодит ахиц гаргалаа.

• Орон нутгийн удирдлага, хэрэглэгч байгууллагуудтай хамтын ажиллагаа бэхжиж, иргэдэд хүрэх мэдээллийн хэлбэр, дизайн, шуурхай байдал сайжирсан нь байгууллагын гол амжилт болов.