ЦАГ АГААРТ ЗОРИУДААР НӨЛӨӨЛӨХ ҮЙЛ АЖИЛЛАГААНЫ ТАНИЛЦУУЛГА

     Дэлхий дахинд цаг агаарт зориудаар нөлөөлөх үйл ажиллагааг 1940 оны сүүлээс эхэлсэн гэж үздэг. 1940 оны 11 сарын 13-нд АНУ-ын иргэн эрдэмтэн Винсент Дж.Шефер Массажусетс мужийн Беркшир уулын ойролцоо давхраат бөөн хэлбэрийн үүлэнд жижиг нисэх онгоцоор 1.5 кг орчим хуурай мөс буюу хатуу нүүрс хүчлийн хий оруулахад ойролцоогоор 5 минутын дараа 600 метр давхаргад цасан ширхэг бий болж байсан нь тунадас нэмэгдүүлэх боломж байгааг харуулсан байна.

     Монгол улсад 1990 онд Ус, цаг уур орчны шинжилгээний газрын дэргэд эрдэм шинжилгээ, туршилт үйлдвэрлэлийн “Хурын шим” төв байгуулагдаж, цаг агаарт зориудаар нөлөөлөх ажиллагааг хэрэгжүүлж эхэлсэн.

     2007 онд Монгол Улсын Засгийн газрын 96 дугаар тогтоолоор “Цаг агаарт зориудаар нөлөөлөх үйл ажиллагааг 2015 он хүртэл хөгжүүлэх хөтөлбөр” баталсан.

     2008 онд Хэнтий аймагт цаг агаарт зориудаар нөлөөлөх “Хэрлэн-Бороо 1” экспедиц байгуулагдсан.

     2009 онд Хэнтий аймагт цаг агаарт зориудаар нөлөөлөх “Хэрлэн-Бороо 2” экспедиц байгуулагдсан.

     Цаг агаарт зориудаар нөлөөлж хур тунадас нэмэгдүүлнэ гэдэг нь иодот мөнгө /AgJ/ -ний реагентыг үүлэнд цацаж үйлчилснээр тухайн үүлэнд тархсан реагентын цөмүүд нь орчиндоо байгаа усан дуслуудыг өөртөө нэгтгэн томруулж борооны дусал болгон газарт унах чадварыг нэмэгдүүлэхийг хэлнэ. Цаг агаарт зориудаар нөлөөлөх реагентыг  нисэх онгоцоор, их буугаар, пуужингаар, газрын генератораар зөөвөрлөх 4 арга байдаг. Монгол улс одоогийн байдлаар газар-агаар ангиллын пуужин, газрын генератор ашиглан тунадас нэмэгдүүлэх үйл ажиллагааг явуулж байна.

    Иодот мөнгө /AgJ/ -ний реагентын бүтэц, үйлдвэрлэсэн технологи, аюулгүй ажиллагаа нь олон улсын техникийн ISO стандартын шаардлага хангасан, амьтан ургамал, байгаль орчинд хор хөнөөлгүй, уг бодисын үйлчилгээгээр орсон хур тунадас нь эерэг нөлөөтэй болохыг Дэлхийн цаг уурын байгууллагаас тогтоон дээрх зориулалтаар ашиглахыг зөвшөөрсөн байдаг.

Дэлгэрэнгүй мэдээлэл авах:

Хэнтий аймгийн Ус цаг уур, орчны шинжилгээний төв

МҮХ-ийн ЦАЗН үйл ажиллагааны ерөнхий мэргэжилтэн Ч. Эрдэнэбаатар 

302тоот өрөө, Утас: 92909119